रोशन कुमार मिश्र, महोत्तरी । २०८० मंसिर १९, मंगलवार
महोत्तरीको एकडारा गाउँपालिकामा २० औं महिला सामुदायिक स्वास्थ्य स्वयंसेविका दिवस कार्यक्रम मनाइएको छ । स्वास्थ्य क्षेत्रमा दिगो विकास महिला सामुदायिक स्वास्थ्य स्वयंसेविकाको संयुक्त प्रयास भन्ने मुल नाराका साथ यो दिवस कार्यपालिकाको कार्यालय एकडारामा मनाइएको छ ।
उक्त एकडारा गाउँपालिका अध्यक्ष दिपनारायण मण्डलको अध्यक्षतामा कार्यक्रम सम्पन्न भएको हो । कार्यक्रममा वडा नं. १ देखि ६ वडा सम्मको महिला स्वंयसेविकाको उपस्थिति रहेको थियो। कार्यक्रममा उपस्थित सबै स्वयंसेविकालाई गरि ४० थान ब्याग वितरण गरिएको थियो ।