रोशन कुमार मिश्र, महोत्तरी । २०८० मंसिर ११, सोमवार
जलेश्वरमा एमालेको पार्टी प्रवेश तथा सम्मान कार्यक्रम सम्पन्न भएको छ । पार्टी प्रवेश कार्यक्रममा चर्चित नेता राम आधार कापर सहित सयौं नेता कार्यकर्ता पनि एमाले पार्टी प्रवेश गरेका हुन् ।
जलेश्वरको जिल्ला समन्वय समितिको सभा हलमा नेपाल कम्युनिस्ट पार्टी (एमाले) महोत्तरीको आयोजनामा पार्टी प्रवेश तथा सम्मान कार्यक्रम सम्पन्न भएको थियो । नेकपा एमालेका जिल्ला अध्यक्ष काली चरण साहको अध्यक्षतामा आयोजना गरिएको उक्त कार्यक्रमको प्रमुख अतिथिको रुपमा नेकपा एमालेका केन्द्रिय उपाध्यक्ष एवम् पुर्ब अर्थमन्त्री सुरेन्द्र पाण्डे रहेका थिए । यसैगरी विशिष्टअतिथिको रुपमा मधेश प्रदेश सांसद सरोज कुमार यादव रहेका थिए ।