“मोटरसाइकल चालकको गम्भीर गल्तीका कारण २ जनाको ज्यान गयो । यस्तो गलत हर्कत गर्नेलाई प्रशासनले कस्तो कारवाही गर्ने?”

मुलुक डेस्क, काठमाडौं । २०८० भाद्र २०, बिहिवार

भाद्र १७ गते आइतबार विहान कोटेश्वर-जडिबुटीनजिकै छाप्रोमा भएको बस दुर्घटना घटनामा २ वटा मोटरसाइकलका चालक पक्राउ परेका छन्। पक्राउ पर्नेमा सन्तोष घले र दीपेन्द्र तामाङ रहेका छन्।

मोटरसाइकलले बस अगाडिबाटै लेन क्रस गरेपछि बचाउन खोज्दा बा ३ ख ४८४८ नम्बरको बसले बा ६ च ५३४२ नम्बरको जिप, बागमती प्रदेश ०२-०४१ प ४८३८ नम्बरको मोटरसाइकल र बागमती प्रदेश ०२-०३७ प ५३११ नम्बरको स्कुटरलाई ठक्कर दिएको थियो।

सवारी दुर्घटनाको सिसिटिभी फुटेज सामाजिक सञ्जालमा सार्वजनिक भएको थियो। उक्त फुटेजमा बस अगाडिबाट एक मोटरसाइकल लेन क्रस गरेको देखिन्छ। अचानक मोटरसाइकल अगाडि आएपछि बसले बचाउन खोज्दा तीनवटा सवारी साधनलाई ठक्कर दिएको थियो। उक्त घटनामा २ जनाको मृत्यु भएकोमा १४ जना घाइते भएका थिए।

Leave a Reply

Your email address will not be published. Required fields are marked *