मुलुक डेस्क, काठमाडौं । २०७८ भाद्र ०३, बिहिवार
राजधानी न्युज पब्लिकेशनका अध्यक्ष महेन्द्र शेरचनको निधन भएको छ ।
कोरोना संक्रमित शेरचनको उपचारको क्रममा नेपाल एपिएफ अस्पतालमा निधन भएको हो । ६७ वर्षका शेरचन राजधानी न्युज पब्लिकेशनका संस्थापक अध्यक्ष र नेपाली मिडिया सञ्चालकको छाता संगठन मिडिया सोसाइटीका पूर्व अध्यक्ष समेत हुन् ।
उनका श्रीमती, तीन छोरा र एक छोरी रहेका छन् । उनको दिउँसो ११:३० बजे पशुपति आर्यघाट स्थित इलोक्ट्रोनिक शवदाह गृहमा अन्तिम संस्कार गरिने भएको छ ।