२१ असार २०७८ | मुलुक डेस्क
कोका कोलाले देवयनी राज्य लक्ष्मी राणालाई भारत र दक्षिण–पश्चिम एशियाका लागि सार्वजनिक मामिला, सञ्चार र दिगोपन उपाध्यक्षको रूपमा नियुक्त गर्ने घोषणा गरेको छ । देवयानीसँग सरकार र कर्पोरेट मामिला, रणनीतिक व्यवसाय वकालत, जोखिम व्यवस्थापन, संचार, सीएसआर र दिगोपनमा २५ बर्षभन्दा बढीको अनुभव रहेको छ ।
उनी यस क्षेत्रको पूर्वाधार, वातावरणीय, सामाजिक र सञ्चालन, र व्यवसायमा अधिकतम प्रभाव पार्ने कुरामा केन्द्रित प्रभावकारी रणनीतिहरू विकास गर्न सफल भएकी छिन । यसको परिणामस्वरूप ब्यापारको नाफा, बढ्दो उपस्थिति र विस्तारित उत्पादन कार्यहरू आन्तरिक र निर्यात बजारहरूको लागि भएको छ ।
नियुक्तिको बारेमा टिप्पणी गर्दै भारत र दक्षिण पश्चिम एशियाका प्रेसिडेन्ट संकेत रेले भने, “यस क्षेत्रमा कोकाकोलाको संलग्नतालाई अझ गहन बनाउनको लागि देवयानीलाई यस रोचक घोषणापत्रमा स्वागत गर्न पाउँदा म खुसी छु । उनी यस क्षेत्रमा हाम्रो नेतृत्व टोलीमा सामेल छिन् ।”
यसभन्दा अघि देवयनी क्याटरपिलर भारतमा भारत, नेपाल र भूटानका लागि सार्वजनिक मामिलाका निर्देशक थिइन । उनले क्याटरपिलर र यसको पूरक कम्पनीहरूको नेतृत्व सरकार ÷ कर्पोरेट मामिला, जनसम्पर्क र सञ्चार, कर्पोरेट सामाजिक उत्तरदायित्व र भारत, नेपाल र भुटान क्षेत्रका टिकाउमा गरेकी थिइन ।
देवयानी लन्डन स्कूल अफ इकोना‘मिक्स एण्ड पोलिटिकल साइंस (एलएसई), लन्डनका पूर्व छात्र हुन् । उनले नेपालको कीर्तिपुर, त्रिभुवन विश्वविद्यालयबाट राजनीति विज्ञानमा स्नातकोत्तर र लेडी श्री राम कलेज, दिल्ली विश्वविद्यालय, नयाँ दिल्ली, भारतबाट राजनीतिशास्त्रमा स्नातक डिग्री हासिल गरेकी छिन ।
उनी नेपालका चर्चित राजनीतिक व्यक्तित्व पशुपति शमशेर राणाकी छोरी हुन्। उनकी आमा भाजपाका दिवंगत नेता विजयराजे सिंधियाकी ठुली छोरी हुन्।