मुलुक डेस्क,
वर्ष : ०३ | अंक: २२ | फाल्गुण २०७७,
सदाबहार, सुन्दर र सशक्त नायिका – करिश्मा मानन्धर। नेपाली चलचित्र जगतको सर्वाधिक चर्चित र मनमोहक कलाकार। नेपाली रजतपटमा विगत ३५ वर्षदेखि आफ्नो अभिनयको जादुले दर्शकलाई दिवाना बनाउन सफल नायिका करिश्मा हालै महानायिका घोषित भएकी हुन्। आरके इन्टरटेन्मेन्ट ग्रुपद्वारा आयोजित प्रतिभा सम्मान कार्यक्रममा सो उपाधिले सम्मानित भएकी हुन्।
१४ वर्षको उमेरमा २०४२ सालमा निर्माण भएको ‘सन्तान’ चलचित्र करिशमाको पहिलो चलचित्र हो। झण्डै २ दर्जन फिल्म मार्फत दर्शकमाझ मुटुको ढुकढुकी बन्न सफल अभिनेत्री करिश्मा ५ फिट ३ इन्च अग्ली र ३४ह३२ह३४ आकारको शारीरिक बनावटकी धनी हुन्। फैसन र ग्ल्यामरसको गड्ेस करिश्माको अन्दाज र सौख पनि चर्चाको शिखरमै रहने गर्दछ। कामुक र अति संवेदनशिल अंगलाई सहजै कलात्मक तरिकाले प्रर्दशन गर्न नचुक्ने अभिनेत्रीले १९ वर्षकै उमेरमा विवाह गरिन्। ललितपुरकी करिश्मा उर्फ बुनु केसी केही वर्ष नेपाल छाडेर अमेरिका मै पनि बसिन्।
देब्रे स्तनमाथि लालिगुराँसको ट्याटु खोपाएकी करिश्मा २ वर्ष अगाडी एसइई दिएर आफुलाई नमुनाको रुपमा स्थापित गरिन्। फरक र उत्तेजक अन्दाजकी धनी करिश्माले मायालु, भाउजु, अल्लारे, सपना, ढुकढुकी, कस्तुरी, ट्रक–डाइभर, वसन्ती जस्ता सुपरहिट मुवि खेलेकी छिन्।