शान्ति शर्मा | २०७८ पौष
झस्किएर आधारातमा जाग्छु आजभोलि
अञ्जुलीमा जून-तारा माग्छु आजभोलि
हिमालचुली हाँसिदिन्छ आगँनीमा घाम
लाज लाग्छ छायासँग भाग्छु आजभोली
पारिजात मुस्काउराउँछ नयाँ चन्द्र ठानी
पछ्यौरीले आफ्नो मुहार ढाक्छु आजभोली
परेलीमा इन्द्रेणी छ रङ्ग मायालुको
छातीभित्र यौटा तस्वीर राख्छु आजभोली
कि यो कुरा मलाई था छ कि त तिमीलाई
किन होला आफैँ राम्री लाग्छु आजभोली