राजन झा, जनकपुरधाम । २०७८ कार्तिक १३, शनिवार
बौद्धिक पेशाकर्मी महासंघका केन्द्रिय उपाध्यक्ष जितेन्द्र कुमार यादवले बहुरुपियाहरुवाट सचेत रहन अपिल गरेका छन ।
बौद्धिक पेशाकर्मी महासंघ धनुषाले आयोजना गरेको शुभकामना आदानप्रदान कार्यक्रममा उपाध्यक्ष यादवले मधेश जनविद्रोह लगायतका पहिचानवादी आन्दोलनहरुवाट प्राप्त उपलब्धीहरुलाई समाप्त गर्न बहुरुपियाहरु विभिन्न भेषमा मधेशमा परिचालित भएको भन्दै त्यस्ता बहुरुपियाहरु वाट सचेत हुनु पर्ने बताए ।
जनमत र लोसपाप्रति इन्डिङ्ग गर्दै उपाध्यक्ष यादवले मधेश विद्रोहको बेला आन्दोलनका विपक्षमा रहेकाहरुले त्यहीआन्दोलनलाई भजाएर प्राप्त उपलब्धिहरुलाई समाप्त गर्न तल्लिन रहेको आरोप लगाए ।
बौद्धिक पेशाकर्मी महासंघका प्रदेश सदस्य अमरेन्द्र झाको अध्यक्षतामा भएको उक्त कार्यक्रममा प्रमुख अतिथी प्रदेशसभा सदस्य रामआशिष यादव, केन्द्रीय सदस्य डा.रामस्वार्थ राय, बेचन मुखिया, प्रदेश सदस्य शेषनारायण यादव, प्रेश मंचका उपाध्यक्ष आतिश मिश्रा लगायतको उपस्थिति थियो ।