मुलुक डेस्क, काठमाडौं । २०८१ असार १८, मंगलवार
आद्रा नक्षत्रको बहुआयामिक महत्व सम्बन्धि अन्तरक्रिया कार्यक्रम मधेशी आयोगले मनाएको छ । यस सम्बन्धि अवधारणा पत्र आयोगका सदस्य आभासेतु सिंहले प्रस्तुत गरिन् ।
कार्यक्रमकाे अध्यक्षता आयोगको अध्यक्ष डा. विजयकुमार दत्तले गरेका थिए भने प्रमुख अतिथिको रुपमा प्रतिनिधि सभा सदस्य किरण कुमार साह, विशिष्ट अतिथिको रुपमा राजनितीज्ञ गुरु प्रसाद बराल र सुमन प्याकुरेल, भाषा आयोगका अध्यक्ष गोपाल ठाकुर, मधेशी आयोगका सदस्यद्वय जिवछ साह, रेणुदेवी साह, थारु आयोग र जनजाति आयोगको प्रतिनिधि, प्रा डा सन्जिता वर्मा, डा श्वेता दिप्ती, डा अर्जुन सिंह, संजीव सिंह, वीणा सिन्हा, रेणुका सिंह, आयोगका सचिव र कर्मचारी लगायतको उपस्थिति रहेको थियो ।
प्रत्येक वर्ष आषाढ महिनाको नवौं तिथिमा सूर्य अर्द्रा नक्षत्रमा पुग्छ। राहुलाई अर्द्रा नक्षत्रको स्वामी मानिन्छ। हिन्दु धर्ममा अर्द्रा नक्षत्रमा सूर्यको आगमनको ठूलो महत्व छ । वास्तवमा यस दिन माता पृथ्वीमा महिनावारी हुन्छ । र यस दिनबाट वर्षायामको आगमन मानिन्छ र त्यसैले यस दिनलाई बाली छर्नको लागि उत्तम दिन मानिन्छ। ग्रह र ताराहरूको यो स्थितिका कारण ५२ दिनसम्म भारी वर्षाको सम्भावना रहेको छ । यसै कारण यस दिन ब्राह्मण तथा पण्डितहरूलाई खीर र आँप लगायतका मिठाई खुवाउने गरिन्छ । यस दिन भगवान शंकर, भगवान विष्णु र सूर्य भगवानको पूजा गरी खीर–पुरी र आँप चढाइन्छ ।
अर्द्रा भनेको आर्द्रता हो। अर्द्रा आकाशको छैटौं नक्षत्र हो। यो राहु नक्षत्र हो र मिथुन राशिमा आउँछ। यो धेरै ताराहरूको समूह होइन तर एक तारा मात्र हो। यो आकाशमा मणि जस्तै देखिन्छ। यसको आकार पनि हीरा वा बज्रको रूपमा बुझ्न सकिन्छ। धेरै विद्वानहरूले यसलाई चम्किलो हीरा मान्छन् भने अरूले यसलाई आँसु वा पसिनाको थोपा मान्छन् ।