मुलुक डेस्क, काठमाडौं । २०८० असोज २६, शुक्रवार
नेपालमा आइफोन १५ सिरिजको बिक्री खुलेसंगै आइफोन १५ (१२८ जीबी) को मूल्य १ लाख ५७ हजार ५ सय रुपैयाँ तोकिएको छ।
आइफोन १५ (२५६ जीबी) को १ लाख ७६ हजार ५ सय रुपैयाँ, ५१२ जीबीको २ लाख १४ हजार ५ सय रुपैयाँ पर्नेछ। यस्तै, आइफोन १५ प्लस १२८ जीबीको १ लाख ७६ हजार ५ सय रुपैयाँ, २५६ जीबीको १ लाख ९५ हजार ५ सय रुपैयाँ र ५१२ जीबीको २ लाख ३३ हजार ५ सय रुपैयाँ पर्ने नेपालका लागि एप्पलको आधिकारिक बिक्रेता इभलुसन ट्रेडिङले जनाएको छ।
त्यसैगरी, आइफोन १५ प्रो १२८ जीबीको १ लाख ९५ हजार ५ सय रुपैयाँ, २५६ जीबीको २ लाख १४ हजार ५ सय रुपैयाँ, ५१२ को २ लाख ५३ हजार रुपैयाँ र १ टीबीको २ लाख ९० हजार ५ सय रुपैयाँ पर्ने कम्पनीले जनाएको छ।
आइफोन १५ प्रो म्याक्स २५६ जीबीको २ लाख ३३ हजार ५ सय रुपैयाँ, ५१२ जीबीको २ लाख ७१ हजार ५ सय रुपैयाँ र १ टीबीको ३ लाख ९ हजार ५ सय रुपैयाँ पर्ने कम्पनीले जनाएको छ।