मुलुक डेस्क, काठमाडौं । २०८२ भाद्र २७, शुक्रवार
सुशीला कार्की नेपालको पहिलो महिला सरकार प्रमुख बनेकी हुन्। राष्ट्रपति रामचन्द्र पौडेलले सुशीला कार्कीलाई प्रधानमन्त्रीमा नियुक्ति गरेका छन् । जेन–जीको माग अनुसार उनलाई अन्तरिम मन्त्रिपरिषद्को प्रधानमन्त्रीको रूपमा नेतृत्व गर्ने गरी नियुक्ति गरेका हुन् ।
कार्कीलाई प्रधानमन्त्री बनाउन राष्ट्रपतिले संविधानको धारा ६१ लाई टेकेका छन् । यसप्रकार कार्की मन्त्रिपरिषद्को अध्यक्ष बनाइएको छ । कार्की सर्वोच्च अदालतको पूर्वप्रधानन्यायाधीश (२०७३/०३/२७–२०७४/०२/२४) तथा प्रथम महिला प्रधानन्यायाधीशका साथै प्रथम महिला प्रधानमन्त्री बनेकी हुन् ।
नाम: सुशीला कार्की
जन्म: २००९ साल फागुन २० गते, बिर्तामोड, झापा
पति: दुर्गा सुवेदी
शिक्षा:
बी.ए. (राजनीतिशास्त्र) – त्रिभुवन विश्वविद्यालय
स्नातकोत्तर (राजनीतिशास्त्र) – बनारस हिन्दू विश्वविद्यालय
एल.एल.बी. – त्रिभुवन विश्वविद्यालय, नेपाल
कानुनी तथा न्यायिक जीवन:
- प्रारम्भिक समयमै अधिवक्ता र कानून क्षेत्रमा सक्रिय
- २०५६ सालमा सर्वोच्च अदालतमा न्यायाधीश
- २०७३ साल वैशाख ११ गते नेपालकी पहिलो महिला
प्रधानन्यायाधीशमा नियुक्त - २०७४ साल असार २८ गतेसम्म पदमा रहनुभयो
विशेषता र योगदान:
- भ्रष्टाचारविरुद्ध कडा निर्णय दिने न्यायाधीशको रूपमा चिनिनु भयो।
- संवैधानिक र मानवअधिकारसम्बन्धी मुद्दामा महत्वपूर्ण फैसलाहरू गर्नुभएको छ।
- नेपालको न्यायपालिकामा महिला सशक्तीकरणको ऐतिहासिक प्रतीक मानिन्छ।