संजीव सिंह, महोत्तरी । २०८१ भाद्र ०८, शनिवार
उच्चैठ सिद्धपीठमा महाकवि कालिदासले माता भगवतीको मुख कालो पारेका थिए । माँ कालीको सिद्धपीठ, उच्चैठ भगवतीको मन्दिर बिहारको मधुबनी जिल्लाको बेनीपट्टीमा अवस्थित छ। यस मन्दिरको ऐतिहासिक महत्व रहेको छ, यहाँ महाकवि कालिदासलाई माता कालीले आशिर्वाद दिएका थिए भने माताको आशीर्वाद पाएर मात्रै मूर्ख कालिदास महाकविका रूपमा प्रसिद्ध भए ।
यस सिद्धपीठमा कालो चट्टानमा देवीको मूर्ति कोरिएको छ । यहाँ माता सिंहमाथि कमलको आसनमा विराजमान छिन्। आमाको काँधको भाग मात्र देखिन्छ। टाउको नभएको कारण उनलाई छिन्नमस्तिका दुर्गा पनि भनिन्छ । माताको मन्दिर नजिकै एउटा श्मशान छ जहाँ अहिले पनि तन्त्र साधना गरिन्छ।
यहाँ माता दुर्गा स्वयम् आफ्नो काटेको टाउकोसहित विराजमान भएकी छिन् । यहाँ आउनेको मनोकामना अवश्य पूरा हुने जनविश्वास छ । उच्चैठ भगवतीसँग भक्तले भक्तिपूर्वक जे मागे पनि माताले अवश्य पूरा गर्ने जनविश्वास छ । त्यसैले मानिसहरूले उनलाई दुर्गाको नवौं रूप सिद्धिदात्री र मनोकामना पूरा गर्ने दुर्गाको रूपमा पूजा गर्छन्। जनकपुर भ्रमणका क्रममा भगवान श्रीराम पनि उच्चैठ पुगेका थिए ।